Pavlodarda alaıaq eldiń esepshotyndaǵy aqsha jaıly aqparat jınap, 30-dan asa adamdy aldaǵan

<p>PAVLODAR. KAZINFORM - Ol áleýmettik jelilerde jalǵan jarnama berip, jeke tulǵalardyń derbes shottary týraly málimet jınaǵan. Elimiz boıynsha 30-dan asa azamat alaıaqtyń qurbany bolǵan.</p>

Polıtsııanyń jedel ýákilderi alaıaqtyq jasady degen kúdikpen 32 jastaǵy azamatty ustady.

Er adam áleýmettik jeli resýrstarynda jıhaz satamyn degen jalǵan habarlama taratyp, oblys turǵyndaryn aldap kelgen. 

«Tergeý barysynda kúdikti Telegram qosymshasynda kýrer jumysyn tapqany anyqtaldy. Ol jeke azamattardyń túrli bankterdegi shoty jaıly málimetterdi ózgelerge berip otyrýǵa mindettengen. Álgi shottarǵa aqshalaı qarajat túsip otyrýy tıis edi. Al ár túsken aqshadan kúdiktige 30 paıyz úles ýáde etilgen ári qosymsha shyǵyndar úshin taǵy 10 paıyz tólenýi tıis bolǵan. Polıtseıler onyń ózge de qylmystarǵa qatysy bar-joǵyn tekserýde», - dep habarlaıdy Pavlodar oblysy polıtsııa departamenti bastyǵynyń orynbasary Bolat Nurseıitov. 

Kúdikti qamaýǵa alynyp, alaıaqtyq faktisi boıynsha sotqa deıingi tergeý bastaldy.

Atalǵan azamattan aldaný faktisi boıynsha elimizdiń ár túpkirinen 30-dan asa jeke shaǵym túsken.

Azamattarǵa kelgen jalpy shyǵyn kólemi eseptelip jatyr.