Pavlodarda ákim syılaǵan ishimdikke toıyp alǵan er adam úıin de, áıelin de órtep jiberdi

<p>PAVLODAR. KAZINFORM - Aýyldyq okrýgtiń ákimi Jeńis kúninde jergilikti turǵynǵa ishinde bir bótelke ishimdigi bar azyq-túlik sebetin syılaǵan. Álgi azamat ákim bergen araqqa sylqııa mas bolyp, abaısyzda úıin órtep jibergen. Ókinishke qaraı, sol ýaqytta úıde bolǵan azamattyń jubaıy da tilsiz jaýdyń qurbany bolyp kete bardy.</p>

Keleńsiz oqıǵa Pavlodar aýdanynyń Grıgorevka aýyldyq okrginde bolǵan. Bul týraly atalǵan aýdannyń prokýratýrasynan habarlady.

«Pavlodar aýdanyna qarasty aýyldyq okrýgterdiń bir ákimi Jeńis kúninde ishine azyq-túlik jáne 0,5 kólemindegi araq salynǵan sebetti jergilikti turǵynǵa syılaǵan. Azamat – Aýǵan soǵysynyń ardageri. Ol álgi araqqa mas bolyp, baıqamaı úıin órtep alǵan. Tap sol ýaqytta áıeli úıde bolǵan. Áıel adam tilsiz jaýdyń saldarynan qaza tapty», -dep málimdedi aýdan prokýrorynyń orynbasary Nurlan Opabekov.

Prokýrorlar okrýg ákiminiń mundaı ospadar qylyǵy moraldik normalarǵa qaıshy keletinin jetkizdi. Aýdan prokýratýrasynyń aktisi boıynsha aýyldyq okrýg ákimi qatań sógis túrinde tártiptik jaýapkershilikke tartyldy.

Eske sala keteıik, Aqtóbe oblysynda jerge qatysty ákimshilik kedergi keltirgen sheneýnikter jaýapqa tartyldy.