Pavlodarda aǵashtar PIK-tiń jazbasha kelisimimen ǵana kesiledi

PAVLODAR. QazAqparat – Pavlodarda aǵashtardy kesý kestesine PIK-pen kelisilgen aýlalar ǵana kiredi. Ótinimder burynǵydaı 109 biryńǵaı Call-ortalyǵy arqyly qabyldanady, dep habarlaıdy QazAqparat Pavlodarnews.kz saıtyna silteme jasap.

Pavlodar qalasynyń ákimi óziniń Instagram-akkaýntynda qala turǵyndarynan aǵashtardy kesý, belgilerdi ornatý, jasandy joldy montajdaý, sport alańdaryn jaılastyrý máseleleri boıynsha ótinishter sany artyp kele jatqanyn atap ótti. Degenmen qala ákimdigi oblys ortalyǵynyń keıbir turǵyndarynyń ótinishterin oryndaǵanmen, basqalardan teris pikir estýde.
– «Aýladaǵy aǵashtardy kesip tastańyzdar, áınekterge soǵyp turady. Uıyqtaý múmkin emes, kún sáýlesi túspeıdi, terezeden balalar kórinbeıdi nemese baǵdarsham, jaıaý júrginshiler ótkelin, ıt júretin alań ornatyńyzdar. Buǵan qansha tózýge bolady?», degen shaǵymdar túsedi. Alaıda biz olardy eleýsiz qaldyrmaımyz. Biraq osy máselelerdiń bir bóligin sheshý barysynda 10.000 «nege aǵashtardy kesip tastadyńyzdar?! Kúnniń kózi terezelerge túsedi, kóleńkesiz qalamyz. Al júrgizýshiler /jaıaý júrginshiler / adamdar, úı janýarlary týraly oıladyńyz ba?! Árıne, siz jaıaý júrmeısiz / qoǵamdyq kólikti paıdalanbaısyz / kólikti ózińiz júrgizbeısiz, sizde ıt joq» jáne t.b túrli pikirler aıtylady, – dep jazdy Asaıyn Baıhanov.

Qala basshysynyń sózine qaraǵanda, shaǵyn alańdardy salýǵa da qarsylyq bildiretinder bar.
- Edige Bı kóshesindegi (81, 83, 85) aýlalardyń júzge jýyq turǵynynyń ujymdyq ótinishi boıynsha TKSh bólimi abattandyrýdyń jobalaý-smetalyq qujattamasyn jasady, máslıhat qarjylandyrýdy bekitti (munyń bári bir jyldan astam ýaqyt aldy), al jóndeý jumystary bastalǵan kezde atalǵan úılerdiń turǵyndarynyń kópshiligi qarsy bolyp, ózgeristerdi toqtatý týraly ótinishke qol qoıdy, - dedi Pavlodar qalasynyń ákimi.

Endi TKSh bólimi aǵashtardy kesý boıynsha jumys kestesine PIK-tiń, úıdiń osiniń nemese JM-niń jazbasha kelisimi bar mekenjaılardy ǵana qamtıtyn bolady. Jeke sektorǵa keletin bolsaq, munda kóshelerdiń turǵyndarymen kelisiledi.
Esterińizge sala keteıik, oblys ortalyǵynda 30 myń aǵash pen butany, sondaı-aq myńdaǵan apatty jáne qýraǵan aǵashtardy sanıtarlyq kesý josparlanyp otyr. Úsh merdiger uıym jumys isteıdi. Aǵashtardy kesý sharasyna ekologtar men dendrologtar qatysady.