Pavlodarda 71 jastaǵy zeınetker alǵash ret jeke kýálikke ıe boldy

<p>PAVLODAR. KAZINFORM - Galına Hrapovıtskaıa osy ýaqytqa deıin qujatsyz ómir súrip kelgen. Sońǵy ret 1974 jyly keńes tólqujatyn alǵan.</p>

Bul týraly Pavlodar oblysy polıtsııa departamentiniń baspasóz qyzmeti habarlady.

"Sharbaqty aýdanyndaǵy kóshi-qon qyzmetiniń ınspektorlary reıd júrgizý kezinde qujatsyz turyp jatqan 71 jastaǵy ájeıdi anyqtaǵan. Ol jergilikti Nıkolaevka aýylynda týyp-ósken. Keıin turmys quryp, Almaty oblysyna kóship barǵan, sol jaqta 20 jyldaı eńbek etken. Azamatqa 1974 jyly keńestik tólqujat berilgen eken, biraq onysyn kóship júrgende joǵaltyp alǵan", - dep málimdedi aýdandyq polıtsııa bólimi kóshi-qon qyzmetiniń ınspektory Mádı Sarymov.

Belgili bolǵandaı, keıin Galına Hrapovıtskaıa týǵan jerine kóship kelgen. Biraq qujatty qalpyna keltirý máselesi boıynsha eshqaıda barmaǵan. Osy ýaqyt ishinde ol esh qujatsyz ómir súrgen. Soǵan sáıkes, resmı jumysqa ornalasý jáne medıtsınalyq mekemelerge júginý múmkindigi bolmaǵan.

Kóshi-qon qyzmetiniń mamandary azamatqa jeke kýálik alý úshin qajetti qujattardy jınaýǵa kómektesti.