Pavlodarda 7 mamyr kezinde áskerılerdiń keıbir sanatyna qarjylaı kómek kórsetiledi

NUR-SULTAN. QazAqparat - Pavlodar oblysynda 7 mamyrda áskerı qyzmetshilerdiń keıbir sanatyna qarjylaı kómek kórsetiledi. Bul týraly oblystyq jumyspen qamtýdy úılestirý jáne áleýmettik baǵdarlamalar basqarmasy málim etti, dep habarlaıdy Pavlodarnews.kz.

«7 mamyr Otan qorǵaýshylar kúnine oraı 150 myń teńgelik áleýmettik kómek kórsetý qarastyrylǵan. Ony beıbit ýaqytta áskerı boryshyn óteý kezinde qaza tapqan áskerı qyzmetshilerdiń otbasylary alady», - dedi basqarmada.

Sonymen qatar, tájik-aýǵan sektorynda TMD-nyń syrtqy shekarasyn qorǵaýdy kúsheıtýge qatysqan áskerı qyzmetshiler men Iraktaǵy bitimgershilik operatsııasynyń áskerı qyzmetshileri de alady.