Pavlodarda 50 myńǵa jýyq azamat jol erejesin buzyp, 741 mln teńgeden astam aıyppul salyndy

<p>PAVLODAR. KAZINFORM - Jyl basynan beri óńirde 335 jol-kólik apaty tirkelip, saldarynan 20 adam qaza tapqan. Taǵy 404 adam jaraqat aldy.</p>

Pavlodar oblysy Polıtsııa departamentiniń dereginshe, jyl basynan 49 770 adam jol júrý erejesin buzyp, olarǵa jalpy somasy 741 mln teńgeden astam aıyppul salyndy.

15 160 júrgizýshi qozǵalys jyldamdyǵyn belgilengen shekten asyrǵan. Jyl basynan beri óńirde 335 jol apaty tirkelgen. Saldarynan 20 adam qaza taýyp, 404 adam jaraqat aldy. Mas kúıinde rýlge otyryp, apat týdyrǵandar da azaıar emes. Al jaıaý júrginshilerdiń qatysýymen 123 jol-kólik oqıǵasy tirkeldi.

Eske sala keteıik, Ertis-Baıan óńirinde bes aıda jol apatynan 3 bala kóz jumǵan.