Pavlodarda 40 myń adam jınalǵan kontsert kezinde 16 bala joǵalyp ketti

PAVLODAR. QazAqparat – Pavlodardyń ortalyq jaǵalaýynda jazǵy maýsymnyń ashylýyna arnalǵan «Ertis promenade» dástúrli is-sharasy ótti. Oǵan 40 myńǵa jýyq adam jınaldy, dep habarlaıdy QazAqparat Pavlodarnews.kz saıtyna silteme jasap.

Oblystyq Polıtsııa departamentiniń málimetinshe, kontsert kezinde 16 bala joǵalyp ketken.

«Balalardyń ata-analary anyqtalyp, ózderine tabystaldy», - dedi departamenttiń baspasóz qyzmetinen.

Sonymen qatar túngi saǵat 23:00-den keıin jaǵalaýda júrgeni úshin jasóspirimderdiń ata-analaryna 11 ákimshilik hattama toltyrylǵan.

Kontsertte otandyq estrada juldyzdary Erke Esmahan, Raım, Erkesh Hasen jáne jergilikti óner ujymdary óner kórsetti.

«Ertis promenade» sahnasynda mádenı sharalar bir aıǵa jalǵasady. Máselen, 26 mamyr kúni «Halyq radiosy»-nyń 85 jyldyǵy sheńberinde «Halyq dauysy» halyqaralyq festıvaliniń gala-kontserti josparlanǵan. 27 mamyrda «Jazz jamboree» djaz orkestri óner kórsetedi. Al 28 mamyrda qala sahnasynda «Taqııaly perishte» fılmi kórsetiledi.