Pavlodarda 34 jasar áıel ıis tıip kóz jumdy

<p>PAVLODAR. KAZINFORM &mdash; Pavlodar oblysynda peshpen jylytý júıesiniń durys istemeýinen erli-zaıyptylarǵa ıis tıdi. 1990 jylǵy áıel adam oqıǵa ornynda qaıtys bolǵan. Onyń ekinshi toptaǵy múgedek bolǵany anyqtaldy.</p>

Pavlodar aýdany Chernoıarka aýylynda peshpen jylytylatyn jer úıde bir otbasy ýly gazdan ýlanyp qaldy. 34 jastaǵy áıel sol jerde kóz jumǵan. Al kúıeýi, 1984 jylǵy er adam aýyr dárejedegi kómirtegi totyǵymen ýlanyp, aýrýhanaǵa jatqyzyldy.

«Erli-zaıyptylar kómir jaǵylatyn peshtiń durys isteıtinine kóz jetkizbegen syńaıly. 1990 jylǵy týǵan marqum áıel ekinshi top múgedegi bolǵan. Olardy ıis tıip jatqan jerinen týystary taýyp alǵan», dep habarlady óńirlik tótenshe jaǵdaılar departamentinen.

Mamandar salqyn ýaqytta pesh jaǵý kezinde qaýipsizdik sharalaryn qatań saqtaý qajet ekenin eskertedi. Jylytý peshteri aldyn ala tekserilip, órtke qarsy bólikteriniń bolýy eskerilýi kerek. Ár úsh aıda bir ret, sondaı-aq jylytý maýsymy bastalar aldynda murjalar men peshterdi kúıeden tazartyp turǵan abzal. Pesh murjalary qyzyl kirpishten qalanyp, ushqyn tutqyshtarmen jabdyqtalýy tıis. Shatyrdaǵy tútin arnalary ótetin barlyq qubyrlar men qabyrǵalardy ákteý kerek.

Eske sala keteıik, Pavlodarda jer úı órtenip, 40 jastaǵy er adam kóz jumdy.