Pavlodarda 30 jyldan astam ýaqyt boıy sot tóreliginen qashyp júrgen er adam ustaldy

<p>PAVLODAR. KAZINFORM - Jedel ýákilder jasaǵan qylmysy úshin izdeýde júrgen 11 adamnyń ornalasqan jerin anyqtady. Olardy ekstradıtsııalaý máseleleri sheshilip jatyr.</p>

Bul týraly Pavlodar oblysy Polıtsııa departamentiniń baspasóz qyzmeti habarlady.

«Pavlodarda 1991 jyly Qyrǵyzstannyń Ystyqkól oblysynyń aýmaǵynda áıel adamdy zorlaǵan er adam ustaldy. Sondaı-aq Reseı Federatsııasynyń Tıýmen qalasynda bizdiń qalamyzda qaraqshylyq jasaǵany úshin memleketaralyq izdestirý jarııalaǵan kúdikti qolǵa tústi. Ekstradıtsııalaý máselesi qoldanystaǵy zańnamaǵa sáıkes sheshiletin bolady», - dedi Pavlodar oblysy Polıtsııa departamenti krımınaldyq polıtsııa bastyǵy Balǵabaı Qaparov.

Tártip saqshysy sot tóreliginen jasyrynǵan adamdardy izdeý bul keshendi protsess ekenin jáne onyń tıimdiligi túrli bólimshelerdiń qatysý dárejesine baılanysty ekenin atap ótti.

Jyl basynan beri pavlodarlyq jedel ýákilder 32 qylmyskerdiń ornalasqan jerin anyqtady.

Eske sala keteıik, Pavlodarda túrmede jazasyn ótep jatqan azamat qalyńdyǵyn aıttyryp, shańyraq kóterdi.