Pavlodarda 27 myńǵa jýyq azamatty jumys oryndarymen qamtamasyz etý josparlanyp otyr

<p>PAVLODAR. KAZINFORM &mdash; Jyl basynda oblystyń 27 myńǵa jýyq turǵynyn jumyspen qamtamasyz etýdi kózdeıtin Óńirlik jumyspen qamtý kartasy bekitildi. Búginde 11 479 adam jumysqa ornalastyryldy.</p>

Memleket basshysynyń «10 myń turǵynǵa 100 jańa jumys ornyn ashý» bastamasy aıasynda 2782 jumys orny ashyldy, bul ótken jyldyń alǵashqy toqsanymen salystyrǵanda 240 orynǵa artyq. 199 ınfraqurylymdyq jobanyń ishinen elektrondyq eńbek bırjasynda 681 bos orynǵa 103 joba ornalastyryldy, 484 adam jumyspen qamtyldy.

«Óńirlik energetıka jáne TÚKSh, mádenıet, bilim jáne qurylys basqarmalarynyń jobalaryndaǵy kórsetkishter oblystyq deńgeıden tómen oryndalyp jatqany baıqalady. Sýbsıdııalanatyn jumys oryndaryna jospar boıynsha 6617 adamnyń 5495-y jumysqa ornalastyryldy (83%). Jańa bıznes-bastamalardy iske asyrý úshin 2024 jyly halyqtyń áleýmettik osal sanattary úshin 400 AEK mólsherinde 443 grant jáne jastar úshin jyldyq 2,5%-ben 5 mln. teńgege deıin 164 jeńildetilgen shaǵyn nesıe berý kózdelgen. Qujattardy qabyldaý tamyz aıynda bastalady dep josparlanýda», - dep habarlady Pavlodar oblystyq ákimdiginen.

Eske sala keteıik, Kereký jerine tartylǵan ınvestıtsııalar 9 myń jumys ornyn qurýǵa múmkindik beredi.