Pavlodarda 23 sáýirde jylý maýsymy aıaqtalady
Qalalyq TÚKSh bóliminiń bas mamany Temir Qasqabaevtyń aıtýynsha, 2017-2018 jyldardaǵy jylý maýsymy turaqty rejimde ótip, óziniń aıaqtalý merzimine taıap keledi.
«Jylý maýsymy 2017 jyldyń 18 qyrkúıeginde bastalǵan bolatyn. Úlken tehnıkalyq apattar oryn alǵan joq. Jergilikti bılik organdary aýa raıynyń normalary men erejelerin eskere otyryp, 23 sáýir kúni jylý maýsymyn toqtatý týraly sheshim qabyldady. 21-24 sáýir kúnderi aýa temperatýrasy joǵarylaıdy, sol úshin osyndaı sheshimge toqtadyq. Alaıda, bul tek josparymyz ǵana. Kún kúrt sýysa, jylý maýsymy jalǵasady», - deıdi Temir Qasqabaev.
Aıta keteıik, jylý maýsymyn aıaqtaý úshin úsh kún boıy táýliktik aýa raıy ortasha +8 gradýs shamasynda bolý kerek.
Eske salaıyq, byltyrǵy jylý maýsymy turǵyn úılerde 22 sáýirde, al bilim berý men densaýlyq saqtaý nysandarynda 29 sáýirde aıaqtalǵan.