Pavlodarda 200 myń teńge para alǵan jer qatynastary bóliminiń basshysy sottaldy

<p>Pavlodar qalasynyń № 2 sotynda para alý, para berý, sondaı-aq paraqorlyqqa deldal bolý, kórineý jalǵan qujatty qoldan jasaý jáne paıdalaný, birneshe ret para berý jáne para berýge oqtalý faktileri boıynsha qylmystyq is qaraldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

A.S. Pavlodar qalasy jer qatynastary bóliminiń basshysy qyzmetinde júrgende ókilettigine kirgen is-áreketi, sondaı-aq jalpy qamqorlyǵy úshin naýryzda deldal D.B. arqyly kásipker A.E-den 200 000 teńge somasynda para alǵan.

D.B. keıinnen jer komıssııasyna berý úshin kórineý jalǵan qujat daıyndaǵan, deldal retinde laýazymdy tulǵa A.S-qa naýryzda 200 000 teńge somasynda aqsha beredi. 

D.B. 2023 jylǵy shildede usynylǵan qujat boıynsha máseleni durys sheshý úshin Pavlodar qalasy ákiminiń kómekshisi laýazymdy tulǵa B.N-ǵa 200 000 teńge somasynda para beredi.

2023 jyldyń tamyzynda B.N. protsesti jedeldetý, ókilettigine kiretin isti durys sheshý jáne jalpy qamqorlyǵy úshin D.B-dan 150 myń teńge somasynda para alǵan. 

Qylmystyq zańda jasalǵan áreket úshin aıyppul nemese bas bostandyǵynan aıyrý túrindegi jaza kózdelgen.

Zań boıynsha bas bostandyǵynan aıyrý jazanyń neǵurlym jeńil túri kinálini túzetý jáne onyń jańa qylmys jasaýynyń aldyn alý maqsatyna jetýge múmkindik bermegen jaǵdaıda ǵana taǵaıyndalady.

B.N. jáne D.B. birneshe ret aýyr sybaılas jemqorlyq qylmys jasaǵanyn jáne neǵurlym belsendi ról atqarǵanyn eskere otyryp, sot 7 jylǵa bas bostandyǵynan aıyrdy.

Kinásin moıyndaǵanyn, asyraýynda úsh jas bala baryn eskere otyryp, A.S-qa para somasynyń 50 eselengen mólsherinde - 10 000 000 teńge somasynda aıyppul salyndy.

A.E. qylmys jasaýdaǵy rólin, kináni tolyq moıyndaýyn jáne aýyrlatatyn mán-jaıdyń joqtyǵyn eskere otyryp, para somasynyń 26,6 eselengen mólsherinde - 5 320 000 teńge aıyppul tóleıdi.

Sottalǵan laýazymdy adamdar A.S. jáne B.N. ómir boıy memlekettik qyzmette eńbek etý quqyǵynan aıyryldy.

Sondaı-aq A.S-den 200 000 teńge, B.N-dan 350 000 teńge mólsherinde para somasy óndirildi.

Úkim zańdy kúshine engen joq.