Pavlodarda 2 oqýshy túrli jaraqatpen aýrýhanaǵa jetkizildi
05:20, 15 Qazan 2022
PAVLODAR. QazAqparat - Pavlodarda eki oqýshy túrli jaraqatpen aýrýhanaǵa jetkizildi. Jasóspirimderdiń ómirine qaýip tónip turǵan joq, dep habarlaıdy Pavlodarnews.kz.
Pavlodar oblysy densaýlyq saqtaý basqarmasynyń baspasóz qyzmetiniń málimdeýinshe, zardap shekkender 2008 jáne 2009 jyly týǵan jasóspirimder jedel járdemmen oblystyq balalar aýrýhnasyna búgin saǵat 16:55-te jetkizildi.
«Balalardyń birinde oń qoldyń saýsaqtary, ekinshisinde moıyn, zıgomatıkalyq jáne oksıpıtaldy aımaqtarynyń jaraqaty men bilegi kesilgen», - delingen habarlamada.
Oqýshylardy aýrýhanaǵa jatqyzýǵa eshqandaı sebep bolmaǵan. Dárigerlerdiń qaraýynan keıin olar úılerine jiberildi.