Pavlodarda 1500-den astam jazasyn óteýshi medıtsınalyq tekserýden ótpegen

PAVLODAR. QazAqparat - Pavlodarda 1500-den astam sottalýshyǵa medıtsınalyq tekserý sharalary júrgizilmegen, - dep habarlaıdy QazAqparat tilshisi.Pavlodar oblystyq prokýratýrasynyń málimetinshe, bul jaǵdaı aımaq boıynsha QAJD mekemelerinde sottalǵandarǵa medıtsınalyq kómek kórsetý barysyn tekserý júrgizý kezinde anyqtaldy.

«Tekserý sharalary kezinde 1 547 sottalýshynyń jyl saıynǵy medıtsınalyq tekserýden tolyq ótpegeni belgili boldy. Naqtylaı aıtqanda, sottalǵandardan qan analızi alynbaǵan, elektrokardıografııa júrgizilmegen, jalpy tájirıbelik dárigerdiń, ftızıatrdyń, stomatologtyń tekserýleri týraly jazbalary bolmaǵan. Sonymen qatar, joǵaryda atalǵan dárigerlerdiń qorytyndylary jáne usynystary múldem joq. Budan bólek, qazaqstandyq ulttyq formýlıarǵa kirmeıtin dárilik zattardy satyp alý faktileri áshkerelendi», - delingen habarlamada.

Tekserý qorytyndysy boıynsha prokýrorlyq qadaǵalaý aktisi engizilip, 1 547 sottalǵan azamattyń konstıtýtsııalyq quqyqtary qorǵalyp, kináli tulǵalar jaýapqa tartyldy.