«Pavlodar-Vodokanal» JShS-na qatysty tekserý júrgizilmek
Pavlodar qalasy turǵyn úı-ınspektsııasy jáne kommýnaldyq sharýashylyq bóliminiń ókilderi «Pavlodar-Vodokanal» JShS sýmen jabdyqtaý jelilerin kúrdeli jóndeý boıynsha is-sharalar júrgizgen ýchaskelerdi iriktep, komıssııalyq tekserý júrgizdi. Sońǵy ýaqytta tótenshe jaǵdaılar týyndaǵan sý qubyry jelileriniń ýchaskeleri tekserildi.
«Tekserý barysynda kúrdeli jóndeýlerdi oryndaýda kezindegi sáıkessizdik faktileri anyqtaldy. Mysaly, 2017 jyly kúrdeli jóndeýden ótken Toraıǵyrov kóshesi, 111 mekenjaıynda ornalasqan ınjenerlik jeli zertteldi. Zertteý barysynda tutynýshylardy sýmen qamtamasyz etý tozǵan kúıdegi eski sý qubyry arqyly júrgiziletini anyqtaldy. 2017 jyly salynǵan ınjenerlik jeli osy ýaqytqa deıin paıdalanýǵa berilmegen», - dep habarlady bólimnen.
Budan basqa, Malaısary batyr - Şedrın kósheleri shekarasyndaǵy Mútkenov kóshesinde ornalasqan sý qubyry jelisinde de osyndaı jaǵdaı tirkeldi. 2 sáýirde zaqymdanýǵa baılanysty birqatar kópqabatty jáne jeke úıler 20 saǵattan astam sýsyz qaldy. Bul ýchaskede 2014 jyldan bastap tutynýshylardy qaıta qosý júrgizilmegen.
Osyǵan baılanysty bólim «Pavlodar-Vodokanal» JShS-ne qatysty tekserý júrgizý úshin QR Ulttyq ekonomıka mınıstrligi Tabıǵı monopolııalardy retteý komıtetiniń Pavlodar oblysy boıynsha departamentine materıaldar joldady.