Pavlodar-Túrkistan poıyzynda qyz bala dúnıege keldi

<p>ASTANA. KAZINFORM - №46 &laquo;Pavlodar-Túrkistan&raquo; baǵytyndaǵy jolaýshylar poıyzynda qyz bala dúnıege keldi.&nbsp;</p>

Jas ana Zeınep Ábdikárimova júktiliktiń sońǵy aıynda anasymen birge Pavlodardan Túrkistanǵa №46 poıyzben jolǵa shyqqan. Jol barysyna jolaýshynyń tolǵaǵy bastaldy.

Foto: Jolaýshylar tasymaly AQ

Vagonnyń eki jolserigi Anar Amandyqova men Nazerke Talǵarbaeva áıeldi aman-esen bosandyryp, qajetti alǵashqy medıtsınalyq kómek kórsetti.

Qyz bala 10 sáýirde saǵat 16:30-da dúnıege keldi.

Poıyz jolaýshylary balanyń dúnıege kelý sátine kýá bolyp, jańa týǵan náresteniń anasy men ájesin quttyqtap jyly sózin aıtty.

Poıyz brıgadasy laýazymdyq nusqaýlyqqa sáıkes jaqyn mańdaǵy stantsııaǵa jedel járdem shaqyrdy.

Vagonda bosanǵan áıelge kómek kórsetý úshin barlyq qajetti jaǵdaı jasalǵan.

Saryshaǵan stantsııasyna kelgennen keıin jas ana men qyz balany jedel járdem qyzmetkerleri qabyldady.

Jańa týǵan náresteniń esimin Mereke dep ataǵan.

Foto: Jolaýshylar tasymaly AQ

Aıta keteıik, poıyz brıgadalarynyń qyzmetkerleri alǵashqy medıtsınalyq kómek kórsetý boıynsha turaqty negizde oqıdy.

Sońǵy 3 jylda «Jolaýshylar tasymaly» AQ poıyzdarynda 13 sábı dúnıege keldi.