Pavlodar turǵyny memleketke 500 mln teńge zalal keltirgen

NUR-SULTAN. QazAqparat – Pavlodar qalasynyń turǵyny kompanııalarǵa salyq tóleýden jaltarýǵa kómektesip kelgen, memleketke keltirilgen shyǵyn – 500 mln teńge. QazAqparat bul týraly QR Qarjylyq monıtorıng agenttigine silteme jasap habarlaıdy.

«Qarjylyq monıtorıng agenttigi elimizdiń barlyq óńirlerinde qarajatty qylmystyq jolmen qolma-qol aqshaǵaaınaldyrý derekteriniń jolyn kesýde.

Agenttiktiń Pavlodar oblysy boıynsha aýmaqtyq departamenti jalǵan shot-faktýralardy jazyp berý deregi boıynsha Pavlodar qalasynyń turǵyny O.Şıpıloǵa qatysty qylmystyq isti aıaqtady.

O.Şıpılo buryn sottalǵan A. Kolesnıkovpen aldyn ala sóz baılasý arqyly úsh jyl boıy josyqsyz kompanııalarǵa salyq tóleýden jaltarýǵa kómek kórsetken.

Zańǵa qaıshy shemaǵa ol óz baqylaýyndaǵy 3 jalǵan fırmany qatystyrǵan: «Prızma Plıýs» «Konektgrýpp» jáne «Solmır» JShS», - delingen taratylǵan habarlamada.

Osylaısha memleketke tólenbegen salyqtar túrinde 500 mln teńgeden astam somaǵa zalal keltirilgen. O.Şıpola 4,5 jylǵa bas bostandyǵynan aıyryldy.