Pavlodar turǵyny garajda qoldan dızel jasap, lıtrin 150 teńgeden satyp kelgen

PAVLODAR. QazAqparat - Pavlodar oblysynyń turǵyny garajda shamamen jarty mıllıon teńgeniń dızel otynyn zańsyz jasaǵan, dep habarlaıdy QazAqparat Qarjy monıtorıngi komıtetine silteme jasap.

12 mamyrda Pavlodar oblysy boıynsha ekonomıkalyq tergeý departamenti qyzmetkerleri jedel-izdestirý barysynda shyǵý zańdylyǵyn rastaıtyn qujattary joq munaı ónimderin zańsyz saqtaý jáne satý faktisin anyqtady.

Pavlodar oblysynyń turǵyny óziniń garajynda pesh otyny, maı nemese basqa da ónimderdiń qospalarynan tómen sapadaǵy dızel otynyn jasap, bir lıtrin 150 teńge den satqan.

Shara barysynda jalpy quny 470 000 teńge bolatyn 3000 astam lıtr dızel otyny tárkilendi. Saraptama qorytyndysyna sáıkes, bul - memlekettik standart (GOST) talaptaryna sáıkes kelmeıtin, sapasy tómen jáne quramynda túrli qospalar bar munaı ónimi.

Qazirgi tańda sotqa deıingi tergeý júrip jatyr.