Pavlodar turǵyndaryn jer asty sýynyń kóterilýi alańdatyp otyr

 PAVLODAR. QazAqparat - Sońǵy birneshe jyl boıy jer asty sýynan zardap shegetin Ekinshi Pavlodar turǵyndarynyń máselesin sý jınaǵysh ornatý arqyly sheshý kózdelip otyr. Bul týraly qalalyq máslıhattyń kezekten tys sessııasynda qala ákimi Nurjan Áshimbetov aıtty, dep habarlaıdy pavlodarnews.kz.

«Ekinshi Pavlodardaǵy basty másele jer asty sýyn eshqaıda jibere almaýyna kelip tireledi.  Sý basqan jerden eki kvartaldaǵy Dımıtrov kóshesinde káriz júıesi joq. Birneshe magıstral salǵannan keıin jaǵdaı túzelip,  turǵyndar alǵystaryn bildirgen. Bul  ýchaskeniń 70 paıyzy keptirildi. Alaıda qatty jaýyn-shashynnan keıin shilde aıynyń ortasynda  jerasty sýy taǵy kóterildi. Sondyqtan qosymsha shara qoldanýǵa týra keledi. Osyǵan baılanysty batystaǵydaı sý jınaǵysh - sý aıdyndaryn ornatý kerek. Bul jobany tehnologııalyq kolledjdiń janynda júzege asyrý josparlanyp otyr.  Jaýapty merdigerlik uıym - «AK-Servıs» kompanııasy. Osy aptada jumysqa kirisemiz. Ári qaraı nátıjesin kútemiz»,- deıdi Nurjan Áshimbetov.

 Shahar basshysy nemis  mamandary   sý jınaǵyshtyń jabyq túrin jasaýdy jáne tazartý súzgilerin ornatýdy  usynyp otyrǵanyn atap ótti. - Birinshi kezekte sýdy buryp áketetin taǵy bir qubyr salý qajet, - deıdi Nurjan Áshimbetov. -  Osy aptada Almaty qalasynan zertteý ınstıtýtynyń mamandary  kelip, saraptama júrgizedi. Kópshilik sýdyń basym bóligi «Qazaqstan Alıýmınııi» AQ-nyń kúl úıindisinen keletinin aıtyp shaǵymdanýda. Dese de, olar bul jaǵdaıǵa eshbir qatysy joq ekenin aıtýda. Atalmysh kásiporyn uzyndyǵy 11 shaqyrym, eni 70 santımetr, quny 2 mıllıard teńgeni quraıtyn qorshaý ornatý jobasyn iske asyrmaq. Bálkim, kúl úıindisinen sý keletinin túsinip otyrǵan bolý kerek. Bul másele jiti baqylaýǵa alynǵan jáne zertteý qorytyndysy sýdyń basym bóligi qaıdan kelip jatqanyn kórsetedi».

Eske sala keteıik, mamyr aıynyń ortasynda Altaı, ıAkýtsk, Tallınsk, Tselınnaıa, Dnepropetrovsk, Dımıtrov kóshelerindegi 200-ge tarta úıdi sý basqan.   Mamandardyń paıymdaýynsha, bul aýmaqta 1963 jyldan beri sý 15 metrge deıin joǵarylaǵan. Júrgizilgen zertteý nátıjesinde sýdyń úıge kirýiniń negizgi sebebi atmosferalyq jaýyn-shashynǵa baılanysty ekeni anyqtalǵan. Sońǵy tórt jylda jaýyn-shashyn mólsheri jyldyń ortasha kórsetkishinen joǵary, ıaǵnı 350-340 mılımetrdi qurady. Buǵan qosa, zertteý barysynda osy aýmaqtyń jer qurylysy kúrdeli ekeni belgili boldy. Jer astynda 20 metr tereńdikte sazdy qum jatyr, odan keıin saz bar, al sýsorǵysynyń jıegi 12-11 metrde ornalasqan.  Jer asty sýlarynan zardap shekken alǵashqy turǵyndardyń úıin qalypqa keltirýge 25 kásipker qurylysqa qajetti jabdyqtar ákelip jetkizgen. Jóndeý jumystaryna «Jasyl el» jasaǵy men PMPÝ, tehnologııalyq kolledjdiń 100-ge tarta stýdenti kómektesti