Pavlodar turǵyndaryn 40 mln teńge qaryzǵa batyrǵan alaıaq ustaldy

ASTANA. QazAqparat – Pavlodarda ózin bank qyzmetkeri retinde tanystyryp, turǵyndardy 40 mln teńgege san soqtyrǵan alaıaq ustaldy. Bul týraly ІІM Krımınaldyq polıtsııa departamenti Kıberqylmysqa qarsy kúres ortalyǵynyń bastyǵy Jandos Súıinbaı dep málim etti, dep habarlaıdy QazAqparat tilshisi.

«Osy jyly Astana qalasy Polıtsııa departamentiniń bazasynda bir tereze qaǵıdaty boıynsha jumys isteıtin «CyberPol» pılottyq jobasy quryldy. Kıberqylmystardy tıimdi tergeý jáne ashý úshin tergeý, jedel jáne krımınalıstıkalyq bólimshelerdiń qyzmetkerleri bir jerde shoǵyrlanyp, bank sektorymen jáne uıaly baılanys operatorlarymen jedel ózara is-qımyldy júzege asyrady», - dep túsindirdi Jandos Súıinbaı.

Onyń sózinshe, Pavlodar oblystyq polıtsııa departamentiniń «CyberPol» toby bank qyzmetkerleriniń atynan alaıaqtyq jasaǵan qala turǵynyn ustaǵan.

«Qazirgi ýaqytta kúdiktiniń 20 qylmysqa qatysy bar ekeni anyqtaldy. Keltirilgen zalal somasy shamamen 40 mln teńgeni qurady. Oǵan eshqaıda ketpeý týraly bultartpaý sharasy qoldanyldy», - dep málim etti Jandos Súıinbaı.

Qosa ketsek, alǵashqy jartyjyldyqta Qazaqstanda 9,4 myń ınternet-alaıaqtyq qylmysy tirkeldi.