Pavlodar turǵyndary aıazdy kúnderi avtobýsty uzaq kútip qalatynyna narazy

<p>PAVLODAR. KAZINFORM &ndash; Ótken kúzden beri qaladaǵy №1, 1E, 126, 003 jáne №3 avtobýs baǵyttaryna kópshilik tarapynan shaǵym jıilep ketken. Qala bıligi jaqyn arada tasymaldaýshylardy almastyramyz dep ýáde etti.</p>

Pavlodar qalasynyń jurtshylyǵy aıazdy kúnderi keıbir avtobýstardy uzaq kútip qalatynyna narazy.

Qoǵamdyq kóliktiń kestesi, ásirese, adamdar jumystan qaıtqanda jıi buzylady.

Bul máselege shahar basshysy Hasar Habylbekov nazar aýdaryp, túıtkildi tarqatýǵa ýáde berdi.

— Shyn máninde № 1, 1E, 126, 003 jáne № 3 avtobýs marshrýttary boıynsha problema bar. Olar boıynsha qalalyq turǵyn úı-kommýnaldyq sharýashylyǵy sotqa shaǵym túsirdi. Biz óz jaýapkershiligine salǵyrt qaraıtyn merdigerlerden bas tartyp, bul baǵyttardy tasymaldy sapaly uıymdastyryp jatqan kásipkerlerge beremiz, -dedi ol.

Buǵan deıin mundaı másele № 152 baǵyttaǵy avtobýsta bolǵan. Qala bıligi tasymaldaýshyny ózgertkeli júrý kestesi retteldi.