Pavlodar-Semeı tasjolynda kólik júrgizýshisi shóp tıelgen tirkemege soǵyldy

<p>Pavlodar oblysynda Lada Granta kóliginiń júrgizýshisi belgilengen jyldamdyqty asyryp, júk kóliginiń tirkemesimen soqtyǵysty. Tirkemege shóp tıelgen edi. Jeńil kóliktiń jolaýshysy qaza tapty, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttiginiń tilshisi.</p>

Jol-kólik oqıǵasy 16 qarashada Pavlodar-Semeı tasjolynyń 20-shy shaqyrymynda, Pavlodar aýdany, Jertumsyq aýylynyń mańynda bolǵan.

Lada Granta kóliginiń júrgizýshisi jyldamdyqty asyryp, ZIL-130V kóliginiń tirkemesimen soqtyǵysqan. Apat saldarynan Lada Granta kóliginiń bir jolaýshysy alǵan jaraqattarynan aýrýhanada kóz jumdy, dep habarlaıdy Pavlodar oblysy polıtsııa departamentiniń baspasóz qyzmetinen.

Ekinshi jolaýshy jáne júrgizýshi aýrýhanaǵa jatqyzyldy, olardyń ekeýi de jaraqat alǵan. Jol-kólik oqıǵasy faktisi boıynsha tıisti saraptalar belgilendi. Kólikter aıyp turaǵyna qoıyldy.