Pavlodar polıtseıleri óńirdegi avtojoldardan 3 myńǵa jýyq aqaýdy anyqtady

<p>PAVLODAR. KAZINFORM &mdash; Polıtsııa mamandary 25 myń shaqyrymnan astam aýmaqty qamtıtyn jalpy paıdalanymdaǵy 1339 avtojoldy zerttegen. Anyqtalǵan kemshilikterdi joıý boıynsha jaýapty organdarǵa 1339 uıǵarym berildi.</p>

Pavlodarlyq poıtseıler oblystaǵy avtojoldardy tekserip, 3 myńǵa jýyq kemshilikti anyqtady. Joldardy qanaǵattanarlyqsyz ustaǵany jáne joldarda jumys júrgizý qaǵıdalaryn buzǵany úshin 274 laýazymdy jáne zańdy tulǵa jaýapqa tartylda. Olarǵa 10 mln teńgeden astam somaǵa aıyppul salyndy. 

— Polıtsııa avtomobıl joldarynyń, jol qurylystarynyń, temirjol ótkelderiniń, jol qozǵalysyn retteýdiń tehnıkalyq quraldarynyń jáne jol jumystary júrgiziletin oryndardyń paıdalaný jaı-kúıine tekserý júrgizedi. Júrgizilgen tekserýlerdiń basty maqsaty — óńirdegi jol qozǵalysyn uıymdastyrýdy jetildirý jáne jol qaýipsizdigi deńgeıin arttyrý boıynsha uıymdastyrýshylyq-praktıkalyq sharalardy iske asyrý jolymen jol-kólik apattarynyń aldyn alý jáne olardyń saldarynyń aýyrlyǵyn tómendetý, — deıdi óńirlik polıtsııa departamenti ákimshilik polıtsııa basqarmasynyń bastyǵy Borıs Álimbaev.

Sondaı-aq, kóshe-jol toraptary men avtomobıl joldaryn tekserý aktisi negizinde memlekettik baqylaý jáne qadaǵalaý organdary bergen zańdy talaptardy nemese usynystardy oryndamaǵany úshin zańdy tulǵalar jazalanǵan. Mysaly úshin joldarda jumys júrgizý, joldar men jol qurylystaryn kútip ustaý erejelerin buzǵany úshin «Qajservıs» kompanııasynyń Pavlodar fılıaly 1 mln 200 myń teńge somasyna ákimshilik jaýapkershilikke tartylǵan.

Eske sala keteıik, Pavlodarda Dostyq aýdanyna tramvaı jolyn salýǵa 2,7 mlrd teńge bólinedi. 

 

Vıdeo: Pavlodar oblysy polıtsııa departamenti