Pavlodar polıtseıleri 16 jyl boıy izdeýde bolǵan kúdiktini Reseıden tapty

PAVLODAR. QazAqparat - 2021 jyly pavlodarlyq jedel qyzmetkerler 103 qylmyskerdiń izine túsip, iz-túzsiz joǵalǵan 88 adamdy tapty, dep habarlaıdy QazAqparat tilshisi.

Jańa Ýrengoıda pavlodarlyq jedel qyzmetkerler alaıaqtyq jasady degen kúdiktini anyqtady.

Reseı Federatsııasynyń azamaty Pavlodar qalasynda 16 jyl buryn páterdi satýǵa jalǵan kelisimshart jasap, keıin ony satyp jibergen degen kúdikke ilindi.

Bul týraly oblystaǵy jýrnalısterge Pavlodar polıtsııa basqarmasynyń baspasóz qyzmeti habarlady.

Vedomstvonyń málimetinshe, osy jyldar boıy izdeýde júrgen qylmysker ártúrli derekter boıynsha Reseıdiń túrli qalalarynda turǵan, al jaqynda 60 jastaǵy er adam Reseı Federatsııasynyń ıAmalo-Nenetsk avtonomııalyq okrýginiń jańa Ýrengoı qalasynda turyp, jumys istegen.

«Polıtsııa qyzmetkerleri reseılik jedel izdestirýde júrgen taǵy bir Pavlodar oblysynyń turǵynyn ustady. Jelezın aýdandyq polıtsııa bóliminiń qyzmetkerleri 2018 jyly Omby qalasynda qylmys jasaǵany úshin Reseı ІІM izdeýde júrgen qylmyskerdi ustady», - dep tolyqtyrdy oblystyń PD.

31 jastaǵy jas jigit Reseı Federatsııasynyń Qylmystyq kodeksiniń 119-babynyń 1-bóligi boıynsha qylmys jasady degen kúdikke ilingen.

Bir-eki kún buryn ol Jelezın aýdanyndaǵy aýyldardyń birindegi týystaryna kelgenimen, ýchaskelik polıtsııa ınspektory ustaǵan.

«Polıtsııa qyzmetkerleri qylmyskerler men iz-túzsiz joǵalǵan azamattardy izdestirý jumystaryn úzdiksiz júrgizedi. Ótken jyldyń qorytyndysy boıynsha pavlodarlyq jedel ýákilder barlyǵy 103 qylmyskerdi anyqtady, iz-túzsiz joǵalǵan 88 azamattyń júrgen jeri anyqtaldy», - dep tolyqtyrdy baspasóz qyzmeti.