Pavlodar oblysynyń qarjy basqarmasyna jańa basshysy taǵaıyndaldy
Ildar Hasenov 1972 jyly týǵan. 3 joǵary bilimi bar. 1996 jyly Shyǵys Qazaqstan memlekettik ýnıversıtetin kásiptik oqytý, arnaıy jáne tehnıkalyq pánder mamandyǵy boıynsha, 2005 jyly Almaty ekonomıka jáne statıstıka akademııasyn býhgalterlik esep jáne aýdıt mamandyǵy boıynsha, 2005 jyly S. Amanjolov atyndaǵy Shyǵys Qazaqstan memlekettik ýnıversıtetin ıýrısprýdentsııa mamandyǵy boıynsha aıaqtady.
Eńbek jolyn 1997 jyly Shyǵys Qazaqstan oblysy boıynsha jekeshelendirý jónindegi aýmaqtyq komıtetiniń jetekshi mamany bolyp bastady.
1998 jyldan 2000 jylǵa deıin «Kásiporyndardy qaıta uıymdastyrý jáne joıý agenttigi» AQ Shyǵys Qazaqstan fılıalynyń jetekshi mamany, bas mamany, keıin dırektordyń orynbasary qyzmetterin atqardy.
2000-2001 jyldar aralyǵynda «Keramıka zaýyty» fılıaly «Altreıd» JShS kommertsııa bóliminiń bastyǵy.
2002-2005 jyldar aralyǵynda «Býra» JShS dırektorynyń orynbasary, «Qarjy bereshekterimen jumys jónindegi ortalyǵy» JAQ fılıalynyń dırektory bolyp jumys istedi.
2005-2013 jyldar aralyǵynda Shyǵys Qazaqstan oblysy boıynsha dármensiz boryshkerlermen jumys jónindegi Komıtet basqarmasynyń bastyǵy, «Artel-Trýd» JShS-niń materıaldyq-tehnıkalyq qamtý bóliminiń bastyǵy, «Ertis» óńiraralyq memlekettik múlik jáne jekeshelendirý departamentiniń bólim bastyǵy, QR qarjy mınıstrligi respýblıkalyq memlekettik múlikti basqarý ádisnamasy jáne ońaltý men bankrottyq rásimderi departamenti dırektorynyń orynbasary bolyp jumys istedi.
2013-2015 jyldar aralyǵynda «Shyǵys Qazaqstan oblysynyń óńirlik memlekettik jeke menshik áriptestik ortalyǵy» aktsıonerlik qoǵamy basqarma tóraǵasynyń orynbasary, «Ertis» áleýmettik-kásipkerlik korporatsııa» Ulttyq kompanııasy» AQ aktıvterdi basqarý jáne nesıeleý baǵdarlamasyn baqylaý departamentiniń dırektory qyzmetterin atqardy.
2015 jylǵy qyrkúıekten bastap Óskemen qalasynyń jumyspen qamtý ortalyǵynyń dırektory bolyp jumys isteıdi.