Pavlodar oblysynyń Ekibastuz qalasynda kúkirt qyshqyly tógildi
Baspasóz qyzmetiniń málimettterine qaraǵanda, 28 tamyzda kezekshi Áskerılendirilgen kúzetshiden Ekibastuz qalasy Ekibastuz-2 stantsııasy, №6 jolda tsısternadan kúkirt qyshqylynyń tógilip jatqandyǵy týraly habarlama kelip tústi.
Tasymaldanatyn júktiń jalpy kólemi (kúkirt qyshqyly (quramynda 51% - dan aspaıtyn qyshqyl bar)) 78,3 tonnany (2 vagon) quraıdy. Oqıǵa ornyn polıtsııa, áskerı temirjol kúzeti basqarmasynyń qyzmetkerleri qorshaýǵa aldy. Jergilikti jerde múddeli memlekettik organdar bólimshesiniń qyzmetkerleri men tasymaldaýshynyń ókilderi qatarynan Shtab quryldy. Kúkirt qyshqylynyń tógilýin toqtatýǵa TJD qyzmetkerleri jumyldyryldy.
28-29 tamyzǵa qaraǵan túni TJD Jedel qutqarý jasaǵynyń kúshteri qaýiptiń aldyn aldy. Oqıǵa ornynda kúkirt qyshqylyn beıtaraptandyrý úshin paıdalanylǵan 37 tonnadan astam ák jetkizildi.
29 tamyzda saǵat 15-00-degi jaǵdaı boıynsha kúkirt qyshqylyn aıdaý aıaqtaldy. Quramynda 15 adam bar «QTJ» UK» AQ qyzmetkerleri kúkirt qyshqylynyń tógilý ýchaskesin úıip tastaýǵa jáne keıinnen ákpen toltyrýǵa kiristi. Kúkirt qyshqylymen toltyrylǵan tsısternalardy germetıkalyq jaǵý júrgizildi.
Avarııany joıý jumystary jalǵasýda. Tógilgen qyshqyldyń jalpy kólemi saraptama júrgizilgennen keıin belgilenedi.