Pavlodar oblysynyń ákimi soǵys ardagerlerine Uly Jeńistiń 65 jyldyǵyna arnalǵan merekelik medaldardy tabys etti

PAVLODAR. Sáýirdiń 25-i. QazAqparat /Vera Lıvıntsova/ - Oblys ákimi Baqytjan Saǵyntaev búgin 15 soǵys ardagerine «1941-1945 jyldardaǵy Uly Otan soǵysyndaǵy Jeńiske 65 jyl» mereıtoılyq medaldaryn tapsyrdy.

Qurmetti qonaqtardy jyly shyraıly qarsy alǵan ol Jeńis kúnine daıarlyq týraly aıtyp berdi. «Batyrlar saıajolynda taǵy segiz jerlesterimiz Altyn Juldyz ıegerleriniń eskertkishteri ornatylady, ekinshi dúnıejúzilik soǵysqa qatysýshy pavlodarlyqtarǵa arnalǵan jańa kitaptar shyǵarylady, sonyń ishinde elektrondyq nusqasy da bar - jastar kompıýterlik aqparatty artyq tutady», - deıdi oblys ákimi.

Soǵys ardagerleri Qabdesh Nurkın, Bekbolat Hazyrov pen Mıhaıl Gapon aımaq basshysyna ózderine kórsetilgen qurmet pen syılastyq úshin alǵys aıtty.