Pavlodar oblysynyń ákimi: Qazaqstan men Reseı Prezıdentteriniń óńirge sapary kezinde komendanttyq saǵat engizilmeıdi jáne oqýlar toqtatylmaıdy
***
Táýelsizdik týy kókke shanshyla tigilgennen bergi ýaqyttaǵy qazaq dıplomatııasy jetken tabystar aýyz toltyryp aıtýǵa turarlyq. Syrtqy saıasattaǵy osyndaı tabystardyń eselenýine jer-jerdegi Qazaqstan elshilikteriniń qosyp otyrǵan úlesi aıtarlyqtaı. Osy oraıda «Egemen Qazaqstan» gazeti elimizdiń Ázerbaıjan Respýblıkasyndaǵy Tótenshe jáne ókiletti elshisi Serik Pirimbetovke eki el arasynda dıplomatııalyq qatynastardyń ornaýyna 20 jyl tolýyna oraı birqatar saýal qoıyp tuşymdy jaýap alǵan. «Egemendikke qol jetkizip jáne halyqaralyq qoǵamdastyqtyń tolyq quqyly múshesi bolǵan bizdiń elder ózimizdiń táýelsiz syrtqy saıasatymyz qalyptasýynyń qıyn-qystaý kezeńderinen birge ótti. Osy turǵyda bizder halyqaralyq jáne aımaqtyq uıymdar sheńberinde belsendi túrde árekettesip, bir-birimizdi qoldap otyratynymyzdy basa aıtyp ótkim keledi», - deıdi elshi «Bir jeliden tamyr tartqan» degen taqyryppen berlgen suhbatynda.
***
«Alash aınasy» gazetiniń búgingi nómirinde «Jer-sý attaryn qazaqsha jazar kún jaqyn» degen taqyryppen maqalaǵa Májilis qabyrǵasynda talqylanǵan onomastıka týraly zań jobasy arqaý bolǵan. Bul zań jobasynyń jańalyǵy: buryn aýdandyq, qalalyq nemese oblystyq máslıhattar onomastıka komıssııasy bergen usynysqa qaramastan, ózderi tańdaǵan basqa ataýlar boıynsha sheshim qabyldaı beretin. Máselen, onomastıka komıssııasy qalaǵa «Alash» degen at berýdi usynsa, qalalyq máslıhat ony qabyldamaı-aq basqa at qoıa salatyn. «Endigide, bulaı bolmaıdy. ıAǵnı zań jobasy boıynsha oblys ortalyqtary, respýblıkalyq mańyzy bar qala, astananyń obektilerine (kóshelerge, alańdarǵa, skverlerge, kópirlerge jáne qalanyń basqa da quramdas bólikterine) ataý berý jáne onyń atyn ózgertýde Respýblıkalyq onomastıka komıssııasymen mindetti túrde kelisýi qajet bolady», - deıdi Májilistegi jumys tobynyń jetekshisi depýtat Aldan Smaıyl.
«Alash aınasy» gazetinde tehnıka ǵylymynyń doktory, professor Toqtamys Mendebaev jerasty ystyq sý kózderin jylytý júıesine paıdalaný týraly óz oılaryn bildiredi. Ǵalymnyń atap ótýinshe, ázirge ıgerilmeı jatqan qaıtarymdy qýat túrine jatatyn elimizdegi jerasty ystyq sý kózderiniń 3000 metr tereńdikke deıingi aralyqtaǵy anyqtalǵan kólemi, shartty otyn esebi retinde, bizdegi munaı men gaz qorlaryn qosyp eseptegendegi sannan on ese kóp. Eger ystyq sý kózderin izdestirý aýmaǵyn keńeıtip, barlaý jumystaryn 4000-4500 metrge deıin tereńdetsek, qordyń eki-úsh ese ósýi múmkin. Mysaly, jerasty ystyq sý kózderin paıdalanýdyń eki tásili bar. Birinshisi - ystyq sýdy uńǵylar arqyly tikeleı jylý júıesine jiberý, ekinshisi ony býǵa aınaldyryp, elektr togyn óndirý. T.Mendebaevtyń osy baǵyttaǵy oılaryn «Tabıǵı qordy únemdi paıdalana alyp júrmiz be?» degen taqyryptaǵy maqaladan tolyq bile alasyzdar.
***
«Qarjy pıramıdalaryna aqsha salǵan halyq endi mundaı áreketke barmaıtyn bolady. Óıtkeni jaqyn arada osyǵan qatysty zań qabyldanady», - dep jazady «Aıqyn» gazeti búgingi sanyndaǵy «Qarjy pıramıdasyna» tyıym salynady» degen taqyryptaǵy maqalasynda. Basylymnyń jazýynsha, Ulttyq banktiń tóraǵasy G.Marchenko taıaýda Qazaqstan halqynyń múddesin qorǵaý maqsatynda Bas prokýratýra múddeli memlekettik organdarmen birigip, 2012 jyldyń qyrkúıek aıynyń aıaǵyna deıin el aýmaǵynda qarjy pıramıdalaryn qurǵan jáne uıymdastyrǵan tulǵalardy jaýapkershilikke tartýdy qarastyratyn QR zańnamalyq aktilerine túzetýler jobasy ázirlenip jatqanyn aıtqan.
***
«Pavlodarda Qazaqstan men Reseı prezıdentteriniń óńirge saparyna baılanysty qaladaǵy barlyq qozǵalysqa shekteý qoıylady, al ónerkásip óndiristerin toqtatpaý úshin jumysshylardy birneshe kúnge tsehtarǵa jaýyp tastaıdy degen ósek-aıań taratty», - dep jazady «Vremıa» gazeti «...I chýsh poganýıý neslı» degen taqyryptaǵy maqalasynda. Basylymnyń atap ótýinshe, osyǵan oraı oblys ákimi Erlan Aryn pavlodarlyqtardan mundaı jel sózge maı quıýdy toqtatýdy ótinipti. Turǵyndar arasynda taraǵan ósekke qaraǵanda, eki eldiń Memleket Basshylarynyń qatysýymen ótetin forým barysynda qalada komendanttyq saǵat engizilip, barlyq qozǵalystarǵa shekteý qoıylady, al mektep, kolledj jáne joǵary oqý oryndarynda sabaq bolmaıdy.