Pavlodar oblysynda jynystyq qyzmet kórsetken 5 bodı-massaj salony anyqtaldy
Pavlodar oblysy Polıtsııa departamenti Uıymdasqan qylmysqa qarsy kúres basqaramsy qyzmetkerleri jedel-izdestirý is-sharalaryn júrgizý kezinde oblys aýmaǵynda ıntımdik qyzmetterdi uıymdastyrýǵa jáne usynýǵa qatysy bar kúdikti qylmystyq toptyń qyzmetin anyqtady. Bir mezgilde Pavlodar jáne Ekibastuz qalalarynyń aýmaǵynda jezókshelikpen jáne jeńgetaılyqpen aınalysqan 5 bodı-massaj salonynyń jumysy toqtatyldy.
– 25 tintý is-sharasy ótkizildi. Polıtsııa organdaryna 30-dan astam adam jetkizildi, onyń ishinde ákimshiler, massajıstter jáne osy mekemelerdiń klıentteri bar. Tintý barysynda 10 mln teńge jáne 1600 AQSh dollary somasynda aqshalaı qarajat, eki ańshy myltyǵy, eki gaz tapansha, kastet, róldik oıyndarǵa arnalǵan kıim jınaqtary, maskalar, qamshylar, kisender, jarnamalyq ónimder, praıs-paraqtar, vızıtkalar jáne syılyq sertıfıkattary tárkilendi. Polıtseıler ózderin kásipker retinde kórsetetin joǵaryda atalǵan massaj salondarynyń ıeleri men uıymdastyrýshylaryn anyqtady, – dedi Pavlodar oblysy PD Uıymdasqan qylmysqa qarsy kúres basqarmasynyń bastyǵy Ǵabıt Qabdrahmanov.
Qazirgi ýaqytta 4 fakti boıynsha Qazaqstan Respýblıkasy QK-niń 309-baby boıynsha sotqa deıingi tergeý júrgizilip jatyr. Tergeý jalǵasýda. Tergeý múddesi úshin ózge de málimetter jarııa etilmeıdi. Qazaqstan Respýblıkasy Konstıtýtsııasynyń 77-baby 3-tarmaǵynyń 1-tarmaqshasyna, Qazaqstan Respýblıkasy QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.