Pavlodar oblysynda jumysta mas júrgen aýyl ákimi qyzmetinen qýyldy

PAVLODAR. QazAqparat - Pavlodar oblysynda jumysta mas bolǵan aýyl ákimi jumystan qýyldy. Bul týraly QazAqparat Ekibastuz qalasynyń ákimdigine silteme jasap habarlaıdy.

Osy oqıǵaǵa qatysty sheshim sáýirdiń 3 kúni qabyldanǵan.

«Ótken aptada bolǵan ádep jónindegi keńestiń usynysy boıynsha akademık Álkeı Marǵulan atyndaǵy aýyl ákimi Baýyrjan Boztaev atqarǵan qyzmetinen bosatý túrinde tártiptik jaýapkershilikke tartyldy», – deıdi baspasóz qyzmetinde.

Ol sheneýnik laýazymynda qańtardan beri jumys istep kelgen.

Ekibastuz qalasyna qarasty Álkeı Marǵulan atyndaǵy aýyl ákimi Baýyrjan Boztaevtyń jumysta mas kúıinde bolǵany týraly aqparat QR Memlekettik qyzmet isteri agenttigi tóraǵasynyń senim telefonyna aýyl turǵynynan túsken.

Ádep jónindegi ýákil faktini tekserýge barǵan. Medıtsınalyq saraptama qorytyndysy onyń iship alǵanyn kórsetken jáne sheneýnik óz áreketin moıyndaǵan. Ádep jónindegi keńes músheleri sheneýnikti qyzmetinen bosatýdy usynǵan bolatyn.