Pavlodar oblysynda jumyrtqa baǵasyn ustap turý týraly memorandýmǵa qol qoıyldy
Pavlodar oblysynyń ákimdigi men aımaqtaǵy iri qus fabrıkalarynyń ókilderi birinshi sanattaǵy jumyrtqalardy naryq baǵasynan tómen baǵamen jetkizý mehanızmderi týraly kelisimge keldi.
Memorandýmǵa Pavlodar oblysy ákiminiń orynbasary Asaıyn Baıhanov jáne «Pavlodar qus» JShS men «Sharbaqty qus» JShS ókilderi qol qoıdy. Kelisim boıynsha aldaǵy eki aıda qus fabrıkalary aımaqtyq turaqtandyrý qoryna taýyq jumyrtqasyn arzan baǵamen beredi. Osyǵan jaýap retinde óndirýshiler jyldyq 3%-dyq jeńildetilgen nesıege qol jetkizedi.
Endi taraptar qus fabrıkalarynan jetkiziletin jumyrtqa kólemi men ony bólshek saýda jelisi arqyly satý mehanızmderi boıynsha kelisimsóz júrgizip otyr. Aımaq basshysynyń orynbasary Asaıyn Baıhanov atap ótkendeı, basty mindet – zeınetkerler men áleýmettik turǵydan qorǵalmaǵan toptar ókilderiniń jumyrtqany arzanyraq baǵaǵa satyp alýyn qamtamasyz etý.
Eske sala ketsek, QR Saýda jáne ıntegratsııa mınıstrligi jumyrtqanyń nelikten qymbattaǵanyn túsindirdi.