Pavlodar oblysynda jol apatynan 2 adam qaza bolyp, ekeýi jaraqattandy
12:44, 13 Maýsym 2023
EKІBASTUZ. QazAqparat – Pavlodar oblysynda jol apatynan eki jolaýshy qaza bolyp, taǵy eki adam aýrýhanaǵa tústi, dep habarlaıdy QazAqparat Rolisia.kz-ke silteme jasap.
Oqıǵa 13 maýsym Sharbaqty aýdanynyń Galkıno – Jańaaýyl aýdandyq mańyzy bar avtojolynyń 10-shaqyrymynda bolǵan. VAZ-21703 avtokóliginiń 18 jastaǵy júrgizýshisi rýlge ıe bola almaı qalyp, aýdarylǵan.
«Saldarynan 2004 jyly týǵan jolaýshy alǵan jaraqattardan oqıǵa ornynda kóz jumdy, 1987 jyly týǵan jolaýshy aýrýhanada qaıtys boldy. Túrli jaraqattary bar taǵy eki jolaýshy aýrýhanaǵa jetkizildi.
QR Qylmystyq kodeksiniń 345-1-baby 3-bóligi boıynsha sotqa deıingi tergeý bastaldy. Júrgizýshige qatysty bultartpaý sharasy tańdalýda. Qajetti saraptamalar taǵaıyndaldy», - delingen polıtsııa málimetinde.