Pavlodar oblysynda jer zańnamasynyń buzylýynan daý týyndady

ASTANA. QazAqparat - Pavlodar oblysynda jer ýchaskeleriniń zańdy ıeleri bolyp tabylatyn «Aqjar-Óndiris» JShS men «Dýlat» ShQ ıeleri óz aýmaqtarynda «Dırekt» JShS kómir óndirýine kónýge májbúr bolyp otyr, dep habarlaıdy QazAqparat.

Óıtkeni «Dırekt» JShS-nyń jer qoınaýyn paıdalaný jónindegi kelisimsharty bar. Oǵan jer ýchaskelerin bólgen sheneýnikter men kásipkerler arasynda daý týdy.

Aımaqtyq kásipkerler palatasy janynan qurylǵan Kásipkerlerdiń quqyǵyn qorǵaý keńesi jer daýyn qarastyrdy.

«Barlyq zańnama normalary boıynsha, jer ýchaskesi bizdiń JShS-ǵa tıesili. Salyǵyn da durys tólep kele jatyrmyz. Mine, 5 jyldan beri memlekettik organdar osy máseleni sheshe almaýda», - «Aqjar-Óndiris» JShS ókili.

«Biz sotqa da shaǵym túsirdik, sot bizdiń paıdamyzǵa sheshildi, biraq eshkim eshqandaı shara qoldanǵan joq. «Dýlat» sharýa qojalyǵynda jaǵdaı dál osyndaı», - deıdi olar.

AKP sarapshylary bolǵan oqıǵany jer zańnamasyn óreskel buzý dep baǵalady. Quziretti organdar «Dırekt» JShS jer shekarasyn anyqtaý jáne ólsheýge shyqqanda ýchaske bóliginiń qojaıyndary bar ekenin eskermegen. Oqıǵanyń mán-jaıyna qanyq bolǵan keńes músheleri qosymsha tekserý júrgizýdi jáne jer shekarasyn qoldaný faktisin qujat túrinde bekitýdi talap etý týraly sheshim shyǵardy.

«Bizdiń basty maqsatymyz - kásipkerler quqyǵynyń qysymǵa ushyraýyna jol bermeý. Bul máselede kásipkerler memlekettik organdarǵa ózderiniń pikirleriniń durystyǵyn dáleldeý qajet. Ol sheshimin tapqansha, bizdiń keńestiń baqylaýynda bolady», - dedi olar.