Pavlodar oblysynda jaz aılarynda 6 adam sýǵa batyp kóz jumdy

PAVLODAR. QazAqparat - Pavlodar oblysynda sý aıdyndarynyń janynda 40 demalys orny jumys isteıdi, dep habarlaıdy QazAqparat.

Bul jaıynda óńirlik kommýnıkatsııalar ortalyǵynda ótken brıfıngide Pavlodar oblysy tótenshe jaǵdaılar departamenti azamattyq qorǵanys basqarmasynyń aǵa ofıtseri, maıor Temirjan Tanjanov málim etti.

Onyń aıtýynsha, sý aıdyndarynda qaýipsizdikti qamtamasyz etý maqsatynda profılaktıkalyq sharalar júrgizilip jatyr.

«Búgingi kúni 700-den astam reıd ótkizilgen. 20 myńnan astam jadynama taratylyp, sýǵa túsýge tyıym salatyn 63 belgi ornatyldy», - dep atap ótti Temirjan Ermekuly.

Aıta keteıik, shomylý maýsymy bastalǵaly Pavlodar oblysynyń sý aıdyndarynda 6 adam sýǵa ketken. Onyń bireýi - bala.

Sýda adamdardyń qaza bolýynyń negizgi sebebi - jabdyqtalmaǵan jerde shomylý.