Pavlodar oblysynda jas jigit joǵalyp ketti
«Vita» izdestirý eriktiler jasaǵynyń málimdeýinshe, joǵalǵan azamat 23 sáýirden beri habarsyz.
Týystarynyń aıtýynsha, Estaı Soltanbet Bolatuly 1994 jyly 20 qyrkúıek kúni dúnıege kelgen.
«Búgin keshke bizge joǵalǵan adam týraly habar tústi. Oqıǵa Aqtoǵaı aýdany Qaraoı aýylynda bolǵan. Estaı Soltanbet Bolatuly sol kúni qara jasyl Nıva kóligimen (reseılik esepte turǵan) balyq aýlap júrgen tanystaryna shatyr jetkizip berý úshin jolǵa shyqqan», - delingen habarlamada.
Azamat tanystarynyń qasynan túngi 12.00 shamasynda ketken. Al túngi saǵat 1.00 kezinde er adam áıeline qońyraý shalyp, adasyp ketkenin jáne geolokatsııany qosýdy suraǵan. Ókinishke qaraı, sol kezde baılanys birden úzilgen.
Er adamdy izdeýge TJD, quqyq qorǵaý organdarynyń qyzmetkerleri, jergilikti turǵyndar, týystary men dostary shyqqan.
«Erteń biz de izdeýge shyǵýdy josparlap otyrmyz. Estaı Soltanbet Bolatulynyń ústinde qońyr tústi jumys kıimi, qara sporttyq aıaq kıim jáne sur qalpaǵy bolǵan», - deıdi eriktiler.
Eger sizde joǵalǵan adamnyń ornalasqan jeri týraly aqparat bolsa +7 (747) 615 55 63 (Katerına), +7 (777) 334 82 01 (Svetlana) telefonyna habarlaýdy suraıdy.