Pavlodar oblysynda vaktsına almaǵan jumysshylar kúndizgi jumysqa jiberilmeıdi
13:57, 25 Aqpan 2022
NUR-SULTAN. QazAqparat – Pavlodar oblysynyń bas memlekettik sanıtarııalyq dárigeriniń óńirdegi karantın shekteýlerine qatysty jańa qaýlysy qabyldandy, dep habarlaıdy QazAqparat tilshisi.
Atalǵan qujatqa sáıkes, oblystaǵy ónerkásiptik kásiporyndardyń koronavırýsqa qarsy vaktsına almaǵan (turaqty medıtsınalyq qarsy kórsetilimderi bar jáne sońǵy 3 aı ishinde koroavırýspen aýyryp jazylǵan adamdardy qospaǵanda) jumyskerlerdi kúndizgi rejımde jumysqa jiberý shekteledi. Bul rette uıymdardyń vaktsına almaǵan qyzmetkerleri úshin (turaqty medıtsınalyq qarsy kórsetilimderi bar jáne sońǵy 3 aı ishinde koroavırýspen aýyryp jazylǵan adamdardy qospaǵanda) PTR testileýdi 7 kúnde bir ret tapsyrý mindetti bolady.
Sonymen qatar óńirdegi barlyq balabaqshalar men mektepter dástúrli formatta jumys isteıdi.