Pavlodar oblysynda ustazdar qashyqtan jumys formatyna kóshirildi
03:01, 10 Qańtar 2022
PAVLODAR. QazAqparat – Pavlodar oblysynda tótenshe jaǵdaı rejımi kezeńinde balabaqshalar men úıirmelerdiń jumysy ýaqytsha toqtatyldy, dep habarlaıdy QazAqparat tilshisi.
«Eldegi tótenshe jaǵdaı rejımine baılanysty 1-11 synyp aralyǵyndaǵy mektep oqýshylarynyń demalysy 17 qańtarǵa deıin uzartyldy. Kolledj stýdentteri úshin – 24 qańtarǵa deıin», - dep málim etti Pavlodar oblystyq Bilim basqarmasynan.
Mektepke deıingi mekemeler (balabaqshalar, shaǵyn ortalyqtar) 10 qańtar kúni jumystaryna kirisedi.
«Bilim berý mekemeleriniń qyzmetkerleri Tótenshe jaǵdaı rejımi kezeńinde qashyqtan jumys formatyna kóshirildi. Balalardyń qaýipsizdigi men densaýlyǵy úshin ata-analar men olardyń zańdy tulǵalary jaýapty», - dedi basqarmadan.