Pavlodar oblysynda shybyn-shirkeımen kúreske jaýapty mekemeler bekitildi
Qalalyq ákimdiktiń málimdeýinshe, Ertis ózeniniń oń jaǵalaýyndaǵy 36 mln sharshy metr sý jaıylatyn alqaptan jyl saıyn shybyn-shirkeıler ushyp shyǵady. Ótken jyly bul jumystar óz ýaqytynda júrgizilmegen, qalada merdiger múldem anyqtalmaǵan.
- Bizdiń basty mindetimiz – shybyn-shirkeılerdiń basym bóligin dernásil kezinde joıyp, popýlıatsııany 90 paıyzǵa deıin azaıtý. Olardy tolyǵymen joıý múmkin emes. Shybyn-shirkeıler tabıǵattyń bir bóligi bolyp tabylady. Sondaı-aq tiri organızmderdiń bir túriniń 100 paıyz joıylýy ekojúıege zııanyn tıgizedi, - dedi ákimdikte.
Qala ákimdigi ótken jyldardaǵy qatelikter negizinde daıyndyq jumystaryn júrgizgenderin atap ótti. Aldymen dezınsektsııalyq jumystarǵa tartylǵan 3 memlekettik organ arasynda jaýapkershilik aýmaqtary naqty bólindi:
1) Oblystyń jer qoınaýyn paıdalaný basqarmasy (budan ári – JQPQOjSRB);
2) Pavlodar qalasynyń TÚKSh bólimi;
3) Pavlodar qalasynyń aýyldyq okrýgteriniń ákimdikteri.
JQPQOjSRB «QSM Engineering» JShS merdigermen Ertis ózeni men onyń salalaryn, ózen portynan Ýsolka shaǵyn aýdanyndaǵy kópirge deıingi barlyq jaıylma alqaby men jaǵalaý boıyndaǵy dezınsektsııalyq jumystar júrgizedi.
Qalalyq TÚKSh bólimi «Mýrzastroı» JShS merdigermen qala aýmaǵyndaǵy barlyq 44 saıabaq pen skverdi, jaǵalaý boıymen oramishilik aýmaqtar (Ýsolka, Jańaaýyl, Zelenstroı, 2-shi Pavlodar shaǵyn aýdandaryn, ıAblonka, Metallýrg, Entýzıast saıajaılaryn, jáne 5 sý aıdynyn qosa alǵanda) óńdeıdi.
Aýyl ákimdikteri (tıisti aýyldyq okrýgterdiń aýmaqtary):
Jetekshi, Kenjekól jáne Pavlodar aýyldary «Cash Trade-KZ» JShS merdigermen;
Lenın kenti «Jeldordezınfektsııa» JShS merdigermen;
Moıyldy aýyly «InjStroıProekt» JShS merdigermen jumys jasaıdy.
- Búgingi tańda birlesken is-qımyl algorıtmi bekitildi. Qamysty shabý, jaǵalaý boıyn tamyrdan tazartý, úılerdiń jertólelerin óńdeý sııaqty daıyndyq is-sharalary júrgizildi. Preparattar satyp alyndy jáne tehnıka daıyndaldy, - dedi ákimdikte.