Pavlodar oblysynda shekteýge qaramastan 7 toı ótkizilgen

PAVLODAR. QazAqparat - Karantın shekteýi kúsheıtilgenine qaramastan, óńirde otbasylyq is-sharalardy ótkizý toqtalmaı tur. Meıramhana ıeleriniń arasynda júıeli túrde sanıtarlyq-epıdemıologııalyq talaptardy buzatyndary da bar, dep habarlaıdy QazAqparat Pavlodar oblysynyń sanıtarııa-epıdemıologııa baqylaý departamentine silteme jasap.

Pavlodar oblysynda epıdemıologııalyq ahýaldyń nasharlaýyna baılanysty monıtorıng tobynyń jumysy kúsheıtildi. Tek sońǵy aptada oblysta kóleminde 7 ret toı ótkizý faktisi tirkeldi, olardyń kópshiligi demalys kúnderi bolǵan.

Máselen, 6 qarashada Ekibastuz qalasynda «Báıterek» meıramhanasynda 60 adamǵa arnalǵan úılený toıy ótken. 7 qarashada oblys ortalyǵyndaǵy «Saıda Plaza» meıramhanasyndaǵy toıǵa odan da kóp qonaq jınalǵan.

8 qarasha kúni «Altyn ǵasyr» meıramhanasynda qonaqtar qudalyqty atap ótken. «Barys» meıramhanasynda bir ýaqytta qyz uzatý men mereıtoıatap ótilgen.

Barlyq fakti boıynsha jaýapty tulǵalarǵa monıtorıng tobynyń ókilderi tarapynan ákimshilik hattama toltyrdy.