Pavlodar oblysynda shekaradan ótpek bolǵan eki júrgizýshiden koronavırýs tabyldy

PAVLODAR. QazAqparat – Pavlodar oblysyndaǵy Qazaqstan men Reseı shekarasynda táýlik ishinde bes qazaqstandyq azamat karantın statsıonaryna jatqyzyldy, dep habarlaıdy QazAqparat.

«Sońǵy táýlikte shekaradan 332 adam ótken, sonyń ishinde 155 jaıaý adam men 177 fýra júrgizýshisi bar. Karantın statsıonaryna bes qazaqstandyq azamat jatqyzyldy. Aýrý belgileri joq koronavırýs ınfektsııasy eki jaqqa tasymal júrgizýmen aınalysatyn eki júrgizýshiden anyqtaldy. Olar Shymkent qalasynyń turǵyndary bolyp shyqty, shekaradan «Qosaq» beketi arqyly ótpek bolǵan», - dep habarlady Pavlodar oblysynyń sanıtarlyq-epıdemıologııalyq qadaǵalaý departamentinen.

PTR anyqtamasy joq Qyrǵyzstan men Reseıdiń tórt azamatyna Qazaqstanǵa kirýge tyıym salyndy.

Pavlodar oblysynda memlekettik shekaranyń tórt avtomobıl pýnktinde adamdardyń ótýin qadaǵalaý monıtorıngi jalǵastyrylyp jatyr.

Eske sala ketsek, 12 mamyrda epıdemıologtar Pavlodar oblysyndaǵy memlekettik shekaradan ótpek bolǵan Ózbekstan jáne Qyrǵyzstannyń eki azamatyn Qazaqstanǵa kirgizgen joq .