Pavlodar oblysynda Reseı azamattyǵyn alǵan zeınetker elden qýyldy

PAVLODAR. QazAqparat - 71 jastaǵy er adam Qazaqstan azamaty bola tura Reseı Federatsııasy azamattyǵyn alyp, zańnamada belgilengen merzim ishinde shetel azamattyǵyn alǵanyn aıtpaǵan, dep habarlaıdy QazAqparat.

Bul týraly Pavlodar oblysy polıtsııa departamentiniń baspasóz qyzmeti málimdedi.

«Naýryz aıynyń 29-y kúni 71 jastaǵy er adam Qazaqstan Respýblıkasy azamaty bola tura, Reseı Federatsııasy azamattyǵyn alyp, zańnamada belgilengen merzim ishinde shetel azamattyǵyn alǵanyn habarlamaǵan. Er adamnyń atyna QR ÁQBtK 496-babynyń 2-bóligi boıynsha ákimshilik materıal jasaldy. Sot materıaldy qarap, shetel azamatyn el shekarý jóninde sheshim qabyldady», – dedi Sharbaqty aýdany polıtsııa bóliminiń bastyǵy Ermek Áljanov.

Aıta keteıik, QR ÁQBtK 496-babynyń 2-bóligine sáıkes el azamaty sheteldik azamattyqty alý týraly faktini Qazaqstan zańnamasynda belgilengen merzimde habarlamasa 200 AEK mólsherinde aıyppul tóleıdi nemese Qazaqstan Respýblıkasy shekarasynan shyǵarylady.