Pavlodar oblysynda polıtsııa jalǵa beriletin páterlerdi tekserip jatyr
«Quqyq qorǵaý organdarynyń kásibı jáne jedel is-áreketteriniń arqasynda eń belsendi quqyq buzýshylar qamaýǵa alynǵan barlyq beınejazbalar zertteldi. Árqaısysyna qatysty Qazaqstan Respýblıkasynyń qoldanystaǵy zańnamasy aıasynda is qozǵaldy», - dep habarlady Pavlodar oblysy polıtsııa departamentiniń baspasóz qyzmeti.
Quqyq qorǵaý organdary qyzmetkerleriniń aıtýynsha, shekteý sharalaryna qaramastan, aımaq turǵyndary komendanttyq saǵat pen tótenshe jaǵdaı talaptaryn buzǵan. Tártip saqshylary 1 555 adamdy ustady: 870 beıbit mıtıngilerdi uıymdastyrý jáne ótkizý tártibi týraly zańnamany buzǵany úshin. Olarǵa qatysty ákimshilik is qozǵaldy. Nátıjesinde 327 tártip buzýshy 15 táýlikke deıin qamaýǵa alyndy, ustalǵandardyń barlyǵy Pavlodar qalasyndaǵy arnaıy mekemelerge ornalastyryldy.
288 adamǵa 30 aılyq eseptik kórsetkish kóleminde ákimshilik aıyppul salyndy. Tikeleı komendanttyq saǵatty buzǵany úshin 685 adam men 349 avtokólik ustaldy. Ustalǵandarǵa qatysty ákimshilik is qozǵalyp, materıaldar sotqa joldandy. Kólikter aıyppul turaǵyna qoıyldy.
«5 qańtardan bastap polıtsııa departamentiniń jeke quramy 100% qyzmettiń erekshe rejıminde jumys isteýde. Baqylaý-ótkizý beketteri ornatylǵan, oblysqa kirý-shyǵý shektelgen. Baqylaý beketteri arqyly 25046 kólik, 44 974 adam ótti. Qozǵalýǵa ruqsat bolmaǵandyqtan 372 kólik pen 876 azamatqa kirýge jáne shyǵýǵa tyıym salynǵan», dep atap ótti vedomstvo.
Tártip saqshylary jalǵa berilgen páterlerdi tekserip jatyr. Polıtsııanyń málimetinshe, Pavlodarda mundaı páterler sany 564. Onyń 527-si tekserildi. Nátıjesinde turǵyn úıdi jalǵa alýshylar jáne ıeleri týraly tolyq aqparat alyndy.