Pavlodar oblysynda polıtseı kóshedegi ıtke oq atýǵa májbúr boldy

PAVLODAR. QazAqparat – Pavlodar oblysynda áıel balalardy óz denesimen jaýyp, ıtten qorǵamaq bolǵan. Áıelge umtylǵan alabaıǵa polıtsııa ınspektory oq atqan, dep habarlaıdy QazAqparat Polisia.kz-ke silteme jasap.

17 qarasha kúni keshkisin polıtsııaǵa Sharbaqty aýdany Aleksandrovka aýylynda kóshede alabaı ıti júrgeni jáne adamdarǵa atylyp jatqany týraly habar túsken. Itte tumyldyryǵy men qarǵybaý bolmaǵany aıtylǵan.

«Shaqyrylǵan mekenjaıǵa osy aýyldyń ýchaskelik polıtsııa ınspektory jiberildi. Oqıǵa ornyna jetken Talǵat Smakov jaǵdaıdy baǵamdaǵan. It adamdar men balalarǵa umtylyp jatqan. Balalardy denesimen jaýyp, qorǵamaq bolǵan aýyl turǵynyn qutqarý úshin ýchaskelik qyzmetker tabeldik travmatıkalyq qarý qoldandy», - dedi Pavlodar oblystyq Polıtsııa departamentiniń baspasóz qyzmetinen.

Polıtsııada atap ótkendeı, ıt oq atylǵannan keıin qashyp ketken. Áıeldiń zardap shegýine qatysty ıttiń ıesine QR Ákimshilik kodeksiniń 408-baby 2-bóligi boıynsha (ıtti serýendetý erejesin buzý) ákimshilik óndiris qozǵaldy.