Pavlodar oblysynda oıyn-saýyq oryndarynyń qyzmetine tyıym salyndy
Jańa qaýlyda birqatar oryndardyń qyzmetine tyıym salý týraly sheshim shyǵarylǵan. Atap aıtsaq, karaoke, qorqor, býkmeker keńseleri, bılıard zaldary, oıyn klýbtary, klýbtar, boýlıng ortalqtary sııaqty oıyn-saýyq meekemelerine, sondaı-aq, teatr, kınoteatr, kontsert zaldary sııaqty mádenı kópshilik oryndardyń jumysyna tyıym salynǵan.
Al balalar saýyqtyrý lagerleriniń qyzmetine 30 paıyzǵa deıingi júktememen ruqsat berildi.
«Mektepke deıingi mekemelerdiń kezekshi toptarynń qyzmetine bala sanyn 25-ten asyrmaý talabymen ruqsat berilsin», - dep jazylǵan qaýly mátininde.
Al meshit, shirkeý, sobor, sınagoga sııaqty dinı mekemelerde bir adamǵa 4 sharshy metr oryn saqtaı otyryp ujymdyq dinı sharalar ótkizýge bolady.
Saýda ortalqtarynyń, saýda úıleri men jelileriniń, Ashyk jobasyna qatyspaıtyn azyq-túlik dúkenderi men dárihanalardyń, sulýlyq salondary men sabyn buıymdaryn satatyn oryndardyń, úı jaýnarlary ónimderin satatyn dúkenderdiń, bilim berý úıirmeleriniń qyzmetine kúsheıtilgen dezınfektsııalyq talaptardy saqtaı otyryp, saǵat 10.00 den 22.00-ge deıin jumys isteýine ruqsat etiledi. Alaıda senbi, jeksenbi kúnderi atalmysh nysandardyń jumysyna tolyqtaı shekteý qoıylady. Bul shekteý vaktsınalaý beketteri ornalasqan saýda úılerine júrmeıdi.
Azyq-túlikke jatpaıtyn jáne azyq-túlik taýarlaryn ótkizetin bazarlardyń jumysyna bir adamǵa 4 sharshy metr oryn saqtalǵan jaǵdaıda jumys ýaqytyn shektemeı ruqsat berilgen.
Sýpermarket pen gıpermarket te osyndaı talappen jumys isteýge jol ashyldy.
«Qoǵamdyq tamaqtaný nysandarynń qyzmetine jumys ýaqytyn saǵat 9.00-den 20.00-ge deıin shekteı otyryp, jetkizý, alyp ketý rejımin saǵat 9.00-den 22.00-ge shekteı otyra ruqsat etilsin», - dep jazylǵan qujatta.
Ashana tıpindegi tamaqtaný oryndaryna saǵat 9.00-den 24.00-ge tolymdylyǵy 50 paıyzǵa deıin, ǵımarat ishindegi oryndardy 30-dan asyrmaı, ústelder arasynda 2 metr qashyqty qaldyra otyryp, ujymdyq, otbasylyq jáne basqa da buqaralyq sharalar ótkizýge shekteý qoıý arqyly jumys isteýge ruqsat etildi.