Pavlodar oblysynda órt sóndirý qyzmeti kúsheıtilgen rejımge kóshti

PAVLODAR. QazAqparat – Pavlodar oblysy Tótenshe jaǵdaılar departamenti kúshteri men quraldary aptap ystyq pen naızaǵaıǵa baılanysty qyzmet kórsetýdiń kúsheıtilgen nusqasyna kóshti, dep habarlaıdy QazAqparat.

Oblys aýmaǵynda 14 shildede tańǵy saǵat 8-den bastap Pavlodar oblysy Tótenshe jaǵdaılar departamentiniń bólimsheleri órt sóndirýge 30-dan astam jerge barǵan. Oǵan 31 tehnıka men jeke quramnyń 95 adamy jumyldyryldy.

«Qazir Aqtoǵaı, Baıanaýyl, Aqqýly, Sharbaqty aýdany jáne Ekibastuz aýyldyq aımaǵynda órt qaýpi bar. Órt sóndirýshiler 15 órtti sóndirip jatyr», - dep habarlady TJD baspasóz qyzmeti.

Tótenshe jaǵdaılar departamentiniń qyzmetkerleri azamattardy, ásirese orman jáne aýylsharýashylyq aımaqtarynda órt qaýipsizdigi erejelerin saqtaýǵa shaqyrady. Órt bolǵan jaǵdaıda dereý jedel járdem nómirine nemese jaqyn jerdegi órt sóndirý bólimine habarlańyz.

Eske salaıyq, 14 shilde kúni saǵat 12:45-te Baıanaýyl ulttyq saıabaǵynda órt shyqqan bolatyn.