Pavlodar oblysynda myńdaǵan maıqaıyńdyqtar sýsyz otyr

PAVLODAR. QazAqparat - Baıanaýyl aýdany Maıqaıyń kentiniń sý qoımasyna bir aptadan beri sý kelmegen, dep habarlaıdy «QazAqparat» HAA tilshisi.

Ondaǵan myń adam turatyn Maıqaıyń kentinde jeti kúnnen beri táýligine eki saǵattan eki ret qana sý berilip jatyr. Turǵyndar Pavlodar oblystyq energetıka jáne turǵyn úı-sharýashylyǵy basqarmasyna barǵanda, olarǵa jazbasha túrde sýmen jabdyqtaýdyń qalpyna keltirilgenin habarlaǵan. Maıqaıyń turǵyndary osy máselege oraı oblys ákimi Bolat Baqaýovqa ótinish joldady.

Maıqaıyńnyń sý qoımasyna tórtinshi shildeden bastap sý kelmegen. Sýmen jabdyqtaý jelileri «Serpilis» MQK-nyń qaramaǵynda bolǵan. Alaıda olar ózderin bankrot dep jarııalaǵan. Ázirge turǵyndardy sýmen «Maıqaıyńaltyn» AQ qamtamasyz etýde.

«Sýmen qıyndyq týyndaǵanda, kent ákimi «Maıqaıyńaltyn» AQ basshysymen birge Ekibastuzdaǵy monopolıstke barǵan, alaıda kezdesý bolǵan joq. Jelidegi apat olardyń aýmaǵynda bolǵan. Barlyǵy solarǵa baılanysty», - dedi Maıqaıyń kenti ákiminiń orynbasary Gúlmıra Kenjebekova.