Pavlodar oblysynda mektep oqýshylarynyń neden ýlanǵany tekserilip jatyr
2 orta mektebiniń oqýshylarynyń ýlanyp qalǵan týraly alǵashqy shuǵyl habar 9 qyrkúıekte tańǵy toǵyzda túsken. Sharbaqty aýrýhanasynyń qyzmetkerleri sanepıdemıologtarǵa balalardyń tamaqtan ýlanýy múmkin ekenin aıtqan. Tórteýi kúndizgi saǵat úshte medıtsınalyq kómekke júgindi. Olardyń barlyǵy - jalpy bilim berý mektebiniń oqýshylary.
«Sol kúni saǵat 20:40-ta osy mektep oqýshysynan sońǵy shuǵyl habarlama tústi. Balalar qusý, ishtiń aýyrýy, dıareıa men dene temperatýrasynyń 39 gradýsqa deıin kóterilýine shaǵymdandy. Toǵyz balanyń ishindegi eń kishisi daıyndyq synybynyń oqýshysy, eń úlkeni – toǵyz synyp oqýshysy», - dep habarlady oblystyq sanepıdbaqylaý basqarmasynan.
Sharbaqty aýdandyq aýrýhanasynyń bas dárigeri Almaz Mekıshevtiń aıtýynsha, bes adamǵa qabyldaý bóliminde kómek kórsetilip, ambýlatorlyq emdelýge jiberildi. Tórt bala oblystyq balalar aýrýhanasyna jatqyzylǵan.
Sanepıdemıologtardyń boljamynsha, oqýshylar mektep ashanasynda ýlanýy múmkin, óıtkeni olardyń bári sol jerde tamaqtanǵan. Degenmen mundaı boljam áli rastalǵan joq.
«Epıdemıologııalyq tekserý barysynda 7 jáne 8 qyrkúıekte balalar rojkı, kotletter, qaraqumyq, qyzylsha jep, alma shyryny men kompot ishkeni anyqtaldy. Olarmen úıde baılanysta bolǵan adamdardyń barlyǵy aman», – dedi oblystyq sanepıdbaqylaý basqarmasynan.
Mamandar №2 mektep ashanasynda jospardan tys tekserý bastady, onyń ishinde qoǵamdyq tamaqtaný oryndarynda jumys isteıtin jeke kásipkerlik qyzmetkerlerin tekseredi. Aýyzsý men ónimderge taldaý jasalady. Zerthanalyq zertteýlerdiń nátıjeleri áli daıyn emes. Biraq №2 mektep aspazynyń jumysqa ruqsatynyń bolmaýy, táýliktik synamalardy saqtaý sharttarynyń buzylýy sııaqty birneshe zańbuzýshylyq tirkeldi.
Sonymen qatar, aýrýhanaǵa jatqyzylǵan balalarda ShigellaSonne tektes bakterııalar anyqtaldy. Olar tamaqtan ýlanýy múmkin ekenin kórsetedi.
№2 mektepte tamaqtan ýlanýdyń jańa jaǵdaılary tirkelgen joq. Epıdemıologııalyq tekserý jalǵasýda.