Pavlodar oblysynda mektep oqýshylaryn kásibı baǵdarlaý ekojúıesi quryldy
Jıynǵa ortalyq jáne jergilikti memlekettik organdardyń, damý ınstıtýttarynyń, iri ónerkásiptik kásiporyndardyń, shaǵyn jáne orta bıznes ókilderi qatysty.
Ázirlengen Keshendi jospar sheńberinde Pavlodar oblysynda mektep oqýshylaryn kásibı baǵdarlaý ekojúıesi quryldy. «Jańa mamandyqtar atlasy» - mektep túlekterine eńbek naryǵynda zamanǵa sáıkes qabiletterdi ıgerýge múmkindik beredi. Atalǵan joba bilim alýshylarǵa ómirde óz ornyn tabýǵa baǵyttalǵan. Osylaısha, ótken oqý jylynda joǵarǵy synyptyń 20 myń oqýshysy kásibı dıagnostıkadan ótti.
«Jańa oqý jylynda óńir mektepterinde kásibı-baǵyttaýshy pedagog shtattyq birligi engiziledi, kolledjder men Ózekti mamandyqtar ortalyǵynyń, onyń ishinde jas býynnyń jumysy kúsheıtiledi. 15 kolledjde 15 jańa mamandyq pen 25 jańartylǵan baǵdarlama boıynsha oqytý engiziledi», — dedi oblystyq bilim berý basqarmasynyń basshysy S.Aıtqazına.
Jalpy alǵanda, bilim berýdiń úzdiksiz modeli bolashaq mamandarǵa óz kásibin durys tańdaýǵa múmkindik beredi.
E. Toǵjanov «Jańa mamandyqtar atlasy» túlekter men jumys berýshiler úshin basty baǵdar bolatynyn atap ótti. Óńirde júzege asyrylyp jatqan pılottyq joba elimizdiń basqa óńirleri úshin sátti úlgi bolýy kerek.
Qazirgi kezde óńirde «bir tereze» qaǵıdaty boıynsha jumys isteıtin jáne 5 myńǵa jýyq adamdy, onyń ishinde NEET jastaryn qamtıtyn 14 Ózekti mamandyqtar ortalyǵy qyzmet etedi. Osy sanattaǵy 2,5 myńǵa jýyq jastar óńirdegi iri ónerkásiptik kásiporyndarda taǵylymdamadan ótedi.
«Sonymen qatar óńirde Mobıldi jumyspen qamtý ortalyqtary quryldy. Shalǵaı aýyldarǵa 237 shyǵý sapary uıymdastyrylyp, 9 myń adam keńespen qamtyldy. Jyl basynan beri oblysta 10 myń jumys orny qurylsa, olardyń jartysynan kóbi – 54% turaqty. Jumyspen qamtý ortalyqtarynyń jumysy HR-agenttikterge sáıkestendirilip qaıta quryldy», - dep atap ótti Pavlodar oblysy ákiminiń orynbasary A. Qurmanova.
Jalpy alǵanda, 2022 jyly Qazaqstanda 165 ınvestıtsııalyq jobany iske asyrý esebinen 16,3 myń jańa jumys ornyn qurý josparlanyp otyr. Eń basty ósim Qaraǵandy, Shyǵys Qazaqstan jáne Pavlodar oblystarynda bolady dep kútilýde.
Jınalys qorytyndysy boıynsha E. Toǵjanov birqatar tapsyrma berdi. Oqý-aǵartý mınıstrligi múddeli memlekettik organdarmen, Nur-Sultan, Almaty, Shymkent qalalarynyń jáne oblystardyń ákimdikterimen birlesip «Jańa mamandyqtar atlasyn» engizýdi jalǵastyrýy kerek. Vıtse-premer baǵdarlamany júzege asyrý turaqty baqylaýda ekenin atap ótti.
Foto: primeminister.kz