Pavlodar oblysynda komendanttyq saǵatty buzǵan 800-den astam azamat ustaldy

PAVLODAR. QazAqparat – Pavlodar oblysynda quqyq qorǵaý organdarynyń kásibı jáne jedel is-qımyldarynyń arqasynda barlyq beınejazbalar zerttelip, eń belsendi quqyq buzýshylar qamaýǵa alyndy, dep habarlaıdy QazAqparat Ravlodarnews.kz saıtyna silteme jasap.

Oblystyq polıtsııa departamenti baspasóz qyzmetiniń málimetinshe, olardyń árqaısysyna qatysty Qazaqstan Respýblıkasynyń qoldanystaǵy zańnamasy aıasynda is qozǵaldy.
- Polıtsııa komendanttyq saǵatty buzǵany úshin 811 azamat pen 349 kólikti ustady. Olarǵa qatysty QR ÁQBtK-niń 476-baby boıynsha ákimshilik is qozǵaldy, materıaldar sotqa joldandy. Avtokólikter aıyp turaǵyna qoıyldy. Shekteý sharalaryna qaramastan, buzýshylyqtar oryn aldy. Qazaqstan Respýblıkasynyń beıbit mıtıngiler uıymdastyrý jáne ótkizý tártibi týraly zańnamasyn buzǵany úshin 909 azamat ustaldy. Olarǵa qatysty QR ÁQBtK 488-baby 6-bóligi boıynsha ákimshilik is júrgizý qozǵaldy. Sondaı-aq, QR ÁQBtK-niń 488-baby 8-bóligi boıynsha ákimshilik is qozǵalǵan 8 sheteldik azamat Qazaqstan Respýblıkasy aýmaǵynan shyǵaryldy, - dep habarlady Pavlodar oblysy polıtsııa departamentiniń bastyǵy Nurlan Másimov.

Sondaı-aq sot qaýlysymen 345 adam 15 táýlikke deıin qamaýǵa alyndy. 288 buzýshyǵa árqaısysyna 30 AEK kóleminde ákimshilik aıyppul salyndy.
Blok beketter arqyly 25046 avtokólik, onyń ishinde 44974 adam ótken júrip-turýyna jáne shyǵýyna ruqsat berilmegeni úshin 645 avtokólik pen 1402 azamat ótkizilmegen.