Pavlodar oblysynda kınoteatrlardyń jumysyna ruqsat berildi

PAVLODAR. QazAqparat – Pavlodar oblysynda kınoteatrlardyń jumysyna ruqsat berildi. Bul týraly Pavlodar oblysynyń Bas sanıtarlyq dárigeriniń qaýlysynda aıtylǵan, dep habarlaıdy QazAqparat.

Pavlodarnews.kz saıtynyń habarlaýynsha, óńirdiń sanıtarııalyq-epıdemıologııalyq baqylaý departamentiniń basshysy Batyrbek Álıev karantındik shekteýlerdegi ózgerister týraly aıtty.

«Biz oblysta qaýlyny respýblıkalyq qaýlyǵa súıenip qabyldaımyz. Osy joly sol qaýly boıynsha kınoteatrlar jumysyna ruqsat berý jazylǵan. Alaıda, kınoteatrlardyń tolymdylyǵy 20 paıyzdan aspaýy tıis» - dedi Batyrbek Álıev.

Jańa qaýlynyń tolyq mátinimen myna silteme boıynsha tanysýǵa bolady.

27 aqpandaǵy málimet boıynsha «sary» aımaqta : Nur-Sultan qalasy, Aqmola, Atyraý, Batys Qazaqstan, Qostanaı jáne Pavlodar oblystary tur.